Қазақстан Республикасы Судьялар одағының Батыс Қазақстан облысы бойынша филиалының жұмыс кеңесі өтті.

Қазақстан Республикасы Судьялар одағының 30 жылдығына арналған мерейтойлық іс-шаралардың басталуына орай Қазақстан Республикасы Судьялар одағының Батыс Қазақстан филиалының жұмыс кеңесі өткізілді. Кеңес барысында 2026 жылға арналған іс-шаралар жоспары жан-жақты талқыланды, оны іске асыруға бағытталған негізгі міндеттер мен басым бағыттар айқындалды. Кеңес жұмысына қатысқандармен мерейтойлық жылдың маңыздылығы атап өтіліп, төрағалық етуші Азамат Бурамбаев филиал мүшелерін жоспарланған іс-шараларды жүзеге асыруға белсенді қатысуға шақырды. Сондай-ақ кеңес барысында филиалдың 2025 жылғы қызметі қорытындыланды. Кеңес іскерлік әрі позитивті көңіл күймен өтіп, алдағы уақытта кәсіби бірлікті нығайтуға және мерейтойлық жылы белгіленген жоспарларды табысты іске асыруға деген сеніммен аяқталды.