Құрметті сот төрағалары мен судьялар!

Қазақстан Республикасының Судьялар одағының атынан Сіздерді Қазақстан Республикасының Президентінің кезекті Жарлығына сәйкес облыстық деңгейдегі Сот төрағасы мен судьялық қызметке тағайындалуларыңызбен құттықтаймыз! Бұл тағайындау мемлекетіміздің құқықтық жүйесіне қосқан елеулі үлестеріңізді, заңдардың әділ әрі дұрыс орындалуына бағытталған еңбекқорлық пен жауапкершіліктеріңізді танытады. Өздеріңізге жүктелген міндетті үлкен сеніммен атқарып, халықтың сеніміне лайық болуға өз күш-жігерлеріңізді арнап келесіздер. Бұл тұрғыдан Мемлекет Басшысының Сіздерге деген сенімі мен бағалауы жоғары екені сөзсіз.

Осы жауапты лауазымға жас буынның келуі, ұрпақтар жалғастығының жаңа кезеңі басталып жатқандағын дәлелдеп отыр. Бұл тұрғыда Мағжан Жұмабаевтың «Мен жастарға сенемін» өлеңі өте орынды мысал бола алады. Ақынның жастарға деген сенімі мен үміті, бүгінгі күнде еліміздің сот жүйесінің дамуына өз үлесін қосып жатқан жас әрі белсенді судьяларымыз арқылы жүзеге асып жатыр. Олар елдің заң жүйесін дамытудағы жауапкершілікті өз мойындарына алып, болашаққа деген сенімді нығайтуда.

Әрбір судья алдыңғы буынның жолын жалғастырып, солардан үйренген құнды тәжірибені жаңа заман талабына сай дамытып, әділдік пен заңның үстемдігін қамтамасыз етуге бағытталған қадамдар жасауда. Бұл өзгерістер құқықтық жүйенің тұрақты дамуын және қоғамдағы әділдіктің сақталуын қамтамасыз етуде үлкен рөл атқаратыны сөзсіз. Судьялар қоғамдағы әділеттілікті қалпына келтіретін негізгі күш. Әрбір шешімдеріңіз заңды сақтаумен бірге, елімізде әділдіктің орнауына, азаматтардың құқықтары мен бостандықтарын қорғауға бағытталған. Әрдайым заң үстемдігін қамтамасыз ету, еліміздегі тәртіп пен әділдікті насихаттау жолында аянбай еңбек етудесіздер. Сіздердің қоғамның моральдық және этикалық құндылықтарын ескере отырып, шығарған шешімдеріңіз әділ әрі орынды болуда. Бұл кәсіби деңгейлеріңіз бен жоғары жауаптылықтарыңызды көрсетеді. Ел алдындағы міндеттеріңізді адал орындау арқылы кез келген қиындықтарды еңсере отырып, заңның алға қойған мақсаттарын жүзеге асырудасыздар. Бұл бағыттағы қызметтеріңіз мемлекетіміздің дамуына қосқан маңызды үлес. Жаңадан тағайындалған судьяларға аға буын төрағаларының жолы мен ізгі дәстүрі жұғысты болсын.

Қазақстан Республикасының заңдары мен құқықтық жүйесі қазіргі уақытта даму үстінде. Бүгінде еліміздің сот жүйесіне жаңашылдықтар енгізу, әділдіктің жоғары стандарттарын қалыптастыру қажеттілігі туындап отыр. Сіздердің білімдеріңіз бен тәжірибелеріңіз осы жүйенің нығаюы мен жетілуіне үлес қосып, соттың беделін арттыруға бағытталған.

Азаматтардың құқықтары мен бостандықтарын қорғау – әрқашан негізгі міндеттерінің бірі. Әділдік жолындағы табанды еңбектеріңіз, адалдық пен кәсіби біліктіктеріңіз мемлекеттің өркендеуіне тікелей ықпал ететін маңызды күш. Қазақстан Республикасының Судьялар одағы осы бағытта Сіздермен бірге екенін білдіріп, әрқашан қолдау көрсетуге дайын екенін жеткізеді. Сіздерге осы жолда тек кәсіби даму мен өсу, сондай-ақ әділдік пен батылдық тілейміз. Алдағы уақытта да еліміздің құқық жүйесінің дамуына өз үлестеріңізді қоса отырып, сот жүйесінің жетілуіне ықпал ете беретіндеріңізге сеніміміз мол.

Сіздерге жаңа жетістіктер мен жеңістер тілейміз. Еліміздің заңдары мен құқықтық жүйесінің дамуына қосқан үлестеріңіз әрі қарай да жалғасын тауып, қызметтеріңізде жоғары нәтижелерге жетіп, қоғам алдындағы жауапкершілікті абыроймен атқара берулеріңізге тілектеспіз. Әділдік жолында әрқашан күш-қуат пен сәттілік тұрақты серіктеріңіз болсын!

Сондай-ақ Мемлекет басшысының Жарлығымен орнынан түскен судьяларға да зор денсаулық, сарқылмас қуат, рухани амандық тілеймін. Сіздер үшін жаңадан басталған әрбір кезең тек табыс пен жетістікке, жаңа мүмкіндіктерге, тыныштыққа және жемісті жетістіктерге толы болсын. Әрқашан ғұмыр жолдарыңызда жарқын сәттер мен қуаныштар көп болсын! Сіздердің қызметтеріңіз бен өмірлік ұстанымдарыңыз еліміздің әрбір заңгері үшін үлгі боларына сенімдімін.

ҚР Жоғарғы Сотының судьясы, ҚР Судьялар одағының төрағасы Досжан Сарманқұлұлы Әмір