Қазақстан Республикасы Судьялар одағының XI спартакиадасының іріктеу ойындары тартысты өтті

2025 ЖЫЛҒЫ 23-24 МАМЫРДА ЕЛІМІЗДІҢ ТӨРТ ӨҢІРІНДЕ СОТ ЖҮЙЕСІНІҢ КӨПТЕН КҮТКЕН ОҚИҒАЛАРЫНЫҢ БІРІ – ҚАЗАҚСТАН РЕСПУБЛИКАСЫ СУДЬЯЛАР ОДАҒЫНЫҢ XI СПАРТАКИАДАСЫНЫҢ АЙМАҚТЫҚ ІРІКТЕУ КЕЗЕҢДЕРІ ӨТТІ.

Жыл өткен сайын республика судья- ларының спартакиадасы ауқымды әрі маңызды шараға айналып келеді. Бұл тек спорттық жарыс қана емес, бұл корпоративтік рухты қалыптастырып, командалық бірлікті нығайтатын, жаңа кәсіби және адами байланыстар орнығатын орта. Күнделікті заң мен әділеттің қорғаны болып жүрген судьялар бұл күндері спорт алаңдарында өздерінің физикалық және моральдық қасиеттерін адал бәсекеде көрсетуге мүмкіндік алады. Спартакиада салауатты өмір салтын насихаттауға, азаматтық белсенді ұстанымды қалыптастыруға ықпал етіп, еліміздің түкпір- түкпірінен келген сот корпусының өкілдері арасындағы бейресми қарым-қатынас пен тәжірибе алмасудың маңызды құралына айналып отыр. 2025 жылы іріктеу жарыстары аймақ- тық қағида бойынша төрт қалада – Семей, Ақтөбе, Көкшетау және Таразда өтті. Əрбір аймақ бірнеше облыс пен республикалық маңызы бар қалаларды біріктірді. Спартакиада барысында судьялар шағынфутбол, волейбол, арқан тарту, бильярд (ерлер арасында), үлкен теннис, үстел теннисі (ерлер мен әйелдер), тоғызқұмалақ (ерлер мен әйелдер), шахмат (ерлер мен әйелдер), дойбы (ерлер мен әйелдер) секілді спорттың тоғыз түрі бойынша жекелей және командалық есепте бақ сынады.

Шығыс аймағына топтасқан Абай, Шығыс Қазақстан, Қарағанды, Павлодар, Ұлытау облыстық сотының судьялары Семей қала- сында сынға түсті. Батыс аймағына кіретін Ақтөбе, Атырау, Батыс Қазақстан, Қызылорда, Маңғыстау облысы соттарының судьялары Ақтөбе қаласында шеберліктерін көрсетті. Солтүстік аймағына топтасқан Қазақстан Республикасы Жоғарғы Соты, Қазақстан Республикасының Əскери соты, Астана қаласы, Ақмола, Қостанай, Солтүстік Қазақ- стан облыстық сотының судьялары Көкшетау қаласында додаға түсті. Ал оңтүстік аймағына кіретін Алматы, Шымкент қаласы мен Алматы, Жамбыл, Жетісу, Түркістан облысының судьялары Тараз қаласында бақ сынады. Жарыс нәтижесі бойынша әр спорт түрінен жеңімпаздар анықталды. Жүлделі орын алған судьялар командалары жоғары физикалық дайындық, тактикалық ойлау және командалық ұйымшылдықтың жоғары деңгейін көрсетті. Олар 2025 жылдың 26-27 қыркүйек күндері Шымкент қаласында өтетін Спартакиаданың финалдық кезеңіне қатысу құқығына ие болды. Іріктеу кезеңінің қорытындылары отандық сот жүйесінде қызмет ететіндердің тек кәсіби маман ғана емес, сонымен қатар еңбек жолында да, спорт алаңында да жеңіске жете алатын азаматтар екенін тағы бір мәрте дәлелдеді. Қазақстан Республи- касы Судьялар одағы- ның XI спартакиадасы – кәсібилік пен әділет жолындағы адал қыз- метпен қатар, дене қозғалысының дайындығы мен командалық рухты да дә- ріптейтін игі дәстүр десек қателеспейміз. Бұл ауқымды спорттық іс-шара ел бо- йынша жүздеген судьяны біріктіріп, күш-қайрат, тәртіп пен салауатты өмір салтына деген құрметтің шынайы символына айналды.

Фархад Камалов Өскемен қалалық әкімшілік құқық бұзушылық істері жөніндегі мамандандырылған сотының төрағасы